जळगाव : शहरातील शिवाजीनगर भागातील काळे नगरातील तरुणावर पुर्व वैमानश्यातून तिक्ष्ण हत्याराने वॉर केल्याची घटना गवळी वाडा परिसरात रविवारी घडली. यात 32 वर्षीय तरुण गंभीर जखमी झाला असून त्यावर शहरातील एका खासगी रुग्णालयात उपचार सुरु आहेत. तसेच हल्ला करणार्या हल्लेखोरांविरुध्द गुन्हा दाखल करण्याचे काम शनिपेठ पोलिस स्टेशनला सुरु होते.
शिवाजी नगर परिसरातील धनश्याम काळे नगरातील रहिवासी कुंदन सुरेश पाटील (वय-32) हा बांधकामाच्या ठिकाणी सेंटींग काम करून उदरनिर्वाह करतो. गेल्या आठवड्यापुर्वी शिवाजी नगरात जुगार अड्ड्यावर काही तरुणांनी कुंदन सोबत वाद घातला होता. हा वाद काही लोकांनी मध्यस्थिकरुन आटोक्यात आणला होता. त्यानंतर आज रविवारी दुपारी 1 ते 2 वाजेच्या दरम्यान कुंदन पाटील हा दुचाकीने भाजीपाला घेण्यासाठी घराबाहेर पडला होता. आठवड्यापुर्वी झालेल्या जुन्या वादातून रविवारी तीन ते चार जणांनी गोपाळपूरा येथे कुंदनवर अचानक हल्ला केला. यात तिक्ष्ण हत्याराने वार करून दगड विटा मारुन कुंदनला गंभीर जखमी केले. जखमीवस्थेत कुंदन पाटीलला शहरातील एका खासगी रूग्णालयात उपचारार्थ दाखल करण्यात आले असून तरुणाची प्रकृती गंभीर असून तो सायंकाळ पर्यंत बेशुध्द अवस्थेत होता. याप्रकरणी कुंदनच्या नातेवाईकांकडून शनिपेठ पोलिस स्टेशनला हल्लेखोराविरुध्द दाखल करण्याचे काम सुरु होते.
