जळगावला लागून बांभोरी महामार्गावरील घटना
जळगाव (प्रतिनिधी) :- बांभोरी पुलावरुन गिरणा नदीपात्रात उडी मारुन गणेश पाटील (वय ३५, रा. मेहरुण) या तरुणाने आत्महत्येचा प्रयत्न केला. ही घटना मंगळवार दि. २९ ऑक्टोंबर रोजी दुपारी साडेचार वाजेच्या सुमारास घडली. तेथील ग्रामस्थांनी तात्काळ पाण्यात उडी घेवून तरुणाला बाहेर काढत रुग्णालयात घेतले. याठिकाणी तरुणावर उपचार सुरु असून त्याची प्रकृती स्थिर आहे.
शहरातील मेहरुण परिसरात गणेश पाटील हा तरुण वास्तव्यास आहे. या तरुणाने मंगळवार दि. २९ ऑक्टोंबर रोजी बांभोरी येथील गिरणा नदीच्या पुलावर गेला. (केसीएन)पुलावरुन वाहतुक सुरु असतांना त्या तरुणाने गिरणा नदीपात्रात उडी घेतली. ही घटना बांभोरी येथील काही ग्रामस्थांच्या लक्षात येताच, त्यांनी तरुणाला तात्काळ नदीपात्रात उडी घेवून तरुणाला बाहेर काढले.
त्यानंतर खासगी वाहनातून त्याला शासकीय वैद्यकीय महाविद्यालय व रुग्णालयात दाखल केले. पुलावरुन उडी मारल्यामुळे तरुणाच्या कंबरेला मार लागला असून त्याच्यावर खासगी रुग्णालयात उपचार सुरु आहे. याप्रकरणी पोलीस तपास करीत आहे.
