पाचोरा शहरातील घटना
पाचोरा (प्रतिनिधी) : शहरातील भडगाव रोडवरील पांडव नगरी येथे राहत्या घरात ५५ वर्षीय इसमाने गळफास लावून आत्महत्या केल्याची घटना दि. २६ मे रोजी सकाळी ११ वाजेच्या सुमारास समोर आली आहे. घटनेप्रकरणी पाचोरा पोलिस स्टेशनमध्ये अकस्मात मृत्यूची नोंद करण्यात आली आहे.
राजु लुकडु पाटील (वय – ५५ वर्ष,रा. पांडव नगरी, पाचोरा) यांनी आपल्या राहत्या घरातील छताला गळफास लावून आत्महत्या केल्याची घटना २६ मे रोजी सकाळी ११ वाजेच्या सुमारास उघडकीस आली आहे. राजु पाटील हे टेलरिंग काम करुन परिवाराचा उदरनिर्वाह करत होते. यांच्या पाश्चात्य पत्नी, एक मुलगा, एक मुलगी असा परिवार आहे.
राजु पाटील यांना तात्काळ पाचोरा ग्रामीण रुग्णालयात दाखल केले असता वैद्यकीय अधिकारी यांनी राजु पाटील यांना मृत घोषित केले. राजु पाटील यांनी गळफास घेतला त्यावेळी घरात कुणीही नव्हते. पत्नी व मुले हे भोपाल येथे नातेवाईकांकडे खाजगी कार्यक्रमासाठी गेले आहे. राजु पाटील यांनी आत्महत्या का केली हे स्पष्ट होऊ शकले नाही.
