उर्वरित ९ लढतींचे चित्र स्पष्ट
जळगाव ( प्रतिनिधी ) – दि जळगाव जिल्हा मध्यवर्ती सहकारी बँक लि.च्या सन २०२६ ते २०३१ या पंचवार्षिक संचालक मंडळ निवडणुकीसाठी अर्ज माघारी घेण्याच्या अंतिम दिवसानंतर निवडणूक रिंगणातील अंतिम चित्र स्पष्ट झाले आहे. माघारीनंतर तब्बल १२ जागा बिनविरोध निवडून आल्या असून, यामध्ये महायुतीतील घटक पक्षांचे वर्चस्व दिसून येत आहे. तर उर्वरित ८ मतदारसंघांमध्ये निवडणूक होणार असून, तेथील अंतिम उमेदवारांची यादी निवडणूक निर्णय अधिकारी मनोज चौधरी यांनी जारी केली आहे.

बिनविरोध निवडून आलेले १२ उमेदवार (पक्षनिहाय)
शिवसेना (६ जागा):
गुलाबराव पाटील – धरणगाव विकासो
चंद्रकांत सोनवणे – एसटी (अनुसूचित जमाती) प्रवर्ग
सुमित पाटील – पाचोरा विकासो प्रवर्ग
सोमसिंग खुमानसिंग पाटील – भडगाव विकासो
मृणाल अमोल पाटील – एरंडोल विकासो
नलिनी चिमणराव पाटील – पारोळा विकासो
भाजप (४ जागा):
गिरीश दत्तात्रय महाजन – जामनेर विकासो
रजनी संजय सावकारे – भुसावळ विकासो
रोहित दिलीप निकम – चोपडा विकासो
मधुकर रामचंद्र राणे – बोदवड विकासो
राष्ट्रवादी काँग्रेस (२ जागा):
जयश्री अनिल पाटील – अमळनेर विकासो
सोनल संजय पवार – धरणगाव विकासो
रिंगणात असलेले उमेदवार (निवडणूक होणारे ९ मतदारसंघ)
१२ जागा बिनविरोध झाल्यानंतर आता ८ मतदारसंघांत थेट लढती होणार आहेत. खासदार रक्षा खडसे (मुक्ताईनगर) आणि माजी मंत्री अनिल पाटील (ओबीसी प्रवर्ग) यांच्यासह अनेक दिग्गजांची प्रतिष्ठा या निवडणुकीत पणाला लागली आहे.
१. मुक्ताईनगर तालुका (विकासो प्रतिनिधी):
रक्षा निखिल खडसे
देवयानी चंद्रकांत देशमुख
२. यावल तालुका (विकासो प्रतिनिधी):
प्रशांत लिलाधर चौधरी
गणेश गिरधर नेहेते
रामदास गोंडू पाटील
विनोदकुमार पंडीतराव पाटील
३. रावेर तालुका (विकासो प्रतिनिधी):
राजेंद्र पंढरीनाथ चौधरी
योगीराज गबाजी पाटील
रमेश नगराज पाटील
४. चाळीसगाव तालुका (विकासो प्रतिनिधी):
आ. मंगेश रमेश चव्हाण
नारायण नथू पाटील
विजय भिकनराव पाटील
५. महिला प्रतिनिधी मतदारसंघ (एकूण २ जागा):
माधुरी चंद्रशेखर अत्तरदे
ज्योती नाना पाटील
पुनम प्रशांत पाटील
सुलोचना भगवान पाटील
६. इतर मागासवर्गीय प्रतिनिधी (ओ.बी.सी.):
अनिल वसंत पाटील
सुनिल प्रकाश देवरे
कुलभूषण विरभाण पाटील
चंद्रकांत रामधन बाविस्कर
७. विमुक्त जाती / भटक्या जमाती किंवा विशेष मागास प्रवर्ग:
अंबादास मधुकर गोसावी
काशिनाथ देवराम जावरे
सुरेश पुना धनके
मोरसिंग गोपा राठोड
विकास ज्ञानेश्वर वाघ
८. (ड) १ नुसार इतर सहकारी संस्था:
खिलचंद सुरेश इंगळे
प्रशांत लिलाधर चौधरी
विशाल गुलाबराव देवकर
विकास उखडू नारखेडे
माघारीच्या नाट्यानंतर निम्म्याहून अधिक संचालक बिनविरोध निवडून आल्याने आता या उर्वरित ९ जागांच्या मतदानाकडे संपूर्ण जिल्ह्याचे लक्ष लागले आहे.






