तालुका पोलीस स्टेशनला गुन्हा दाखल
जळगाव (प्रतिनिधी) : तालुक्यातील आसोदा गावात असलेल्या ग्रामपंचायती जवळ एकाला धारदार शस्त्राचा धाक दाखवून खिशातील ३ हजार रुपयांची रोकड जबरी हिसकावून चोरून नेल्याची घटना शुक्रवार १४ जून रोजी सायंकाळी ६ वाजता घडली आहे. या प्रकरणी जळगाव तालुका पोलीस ठाण्यात ३ जणांविरोधात गुन्हा दाखल करण्यात आला आहे.
वैभव विजय सपकाळे (कोळी), कल्पेश निलेश इंगळे (माळी) व दिपक पुंडलिक उर्फ धनराज सपकाळे (कोळी) (तिघे रा. असोदा ता.जळगाव) असे संशयित आरोपींची नावे आहेत. वाल्मीक अंकात बिऱ्हाडे (वय ७२, भोळे नगर, असोदा) परिवारासह वास्तव्याला आहे. शुक्रवार दिनांक १४ जून रोजी सायंकाळी ६ वाजता ते असोदा ग्रामपंचायत जवळ बसले होते. तेव्हा गावातील वैभव विजय सपकाळे (कोळी) हा मोटार सायकलवर वाल्मीक यांच्याजवळ आला.
त्याचेजवळ मोटार सायकलवर गावातील कल्पेश निलेश इंगळे (माळी) व दिपक पुंडलिक उर्फ धनराज सपकाळे (कोळी) असे मागे बसलेले होते. तेव्हा वैभव विजय सपकाळे याने वाल्मीकलां १ हजार रुपयाची मागणी केली. तेव्हा वाल्मीक यांनी माझ्याकडे पैसे नसल्याचे सांगितले.
याचा राग आल्याने कल्पेश निलेश इंगळे (माळी) याने त्याचे पॅन्टच्या कमरेला लपवुन ठेवलेले एक काही तरी मोठे धारधार हत्यार काढले व वाल्मीक यांच्या मानेला लावला. तसेच शिवीगाळ करून धमकी दिली.
वैभव विजय सपकाळे याने वाल्मीक यांच्या खिशातून ३ हजार रुपयांची रोकड काढून हिसकावून घेतले. त्यावेळी सदर ठिकाणाजवळून जाणारे आमचे गावातील शरद पंढरीनाथ नारखेडे यांनी सदरचा प्रकार पाहून सदर तिन्ही लोकांना हे काय करता आहेत असा जाब विचारला. त्यांना देखील संशयित आरोपींनी दिपक पुंडलिक उर्फ धनराज सपकाळे याने तु इथून चालला जा नाहीतर तुला देखील येथेच आडवा पाडू असा दम दिला.
त्यानंतर वाल्मीक बिराडे यांनी जळगाव तालुका पोलिसात तक्रार दिली. त्यानुसार संशयित आरोपी वैभव विजय सपकाळे (कोळी), कल्पेश निलेश इंगळे (माळी) व दिपक पुंडलिक सपकाळे (कोळी) यांच्याविरुद्ध गुन्हा दाखल करण्यात आला आहे.
असोदा गावात काय चर्चा
काल सायंकाळी झालेली ही सदर घटनेमध्ये एकूण ७० हजारांच्या जवळपास रुपयांची रोकड लांबविली गेली असल्याचे गावामध्ये चर्चा होती. यावेळी बंदुकीचा धाक दाखवून पैसे लुटले आहे.असी जोरदार सर्वत्र चर्चा सुरू होती पण आज तालुका पोलिस स्टेशन मध्ये धारधार शस्त्राने धाक दाखवून फक्त 3 हजार लुटले असी तक्रार दाखल करण्यात आली आहे. याबाबत पुढील पोलीस तपास करीत आहेत.