सावखेडा होळ येथील तरुणाविरुद्ध गुन्हा दाखल
जळगाव (प्रतिनिधी) : पारोळा तालुक्यातील सावखेडा होळ येथे अल्पवयीन मुलीवर अत्याचार केल्याच्या आरोपावरून एका तरुणाविरुद्ध पारोळा पोलीस ठाण्यात गुन्हा दाखल करण्यात आला आहे. लग्नाचे आमिष दाखवून मुलीशी जवळीक साधत तिच्यावर अत्याचार केल्याचा आरोप तक्रारीत करण्यात आला आहे.
पोलिसांच्या गुन्हे अहवालानुसार, पीडित मुलगी अल्पवयीन असून, ती शाळेत जात असताना आरोपी मच्छिंद्र ईश्वर ठाकरे (रा. सावखेडा होळ, ता. पारोळा) याने तिच्याशी ओळख वाढवली. त्यानंतर लग्नाचे आमिष दाखवून तिच्याशी जवळीक साधण्याचा प्रयत्न केला. तक्रारीतील माहितीनुसार,आरोपीने पीडित मुलीला धमकावल्याचाही आरोप करण्यात आला आहे. या प्रकरणी २३ ऑक्टोबर २०२६ रोजी पारोळा पोलीस ठाण्यात गुन्हा दाखल करण्यात आला आहे.
या प्रकरणाचा तपास सहायक पोलीस निरीक्षक योगेश महाजन करीत आहे.
