विद्यालयातून ५ जण सेवानिवृत्त
पाचोरा (प्रतिनिधी) : पाचोरा तालुका सहकारी शिक्षण संस्था संचलित गो.से. हायस्कूल पाचोरा येथे आज शनिवारी दि. २९ जून रोजी कर्तव्यपूर्ती सोहळ्याचे आयोजन करण्यात आले होते. तांत्रिक विभागातील शिक्षक एन.बी.महाजन, एस.डी. वाणी, लिपिक भगवान पाटील, किमान कौशल्य विभागातील शिक्षक एस.जे. मनियार व शाळेतील प्रयोगशाळा सहाय्यक पांडुरंग माळी हे नियत वयोमानानुसार आज सेवानिवृत्त झालेत.
संस्थेचे चेअरमन संजय वाघ, व्हॉइस चेअरमन व्ही.टी.जोशी, शालेय समिती चेअरमन खलील देशमुख, तांत्रिक विभागाचे चेअरमन वासुदेव महाजन, ज्येष्ठ संचालक सतीश चौधरी या मान्यवरांच्या हस्ते सेवानिवृत्त होणाऱ्या कर्मचाऱ्यांचा सन्मान करण्यात आला. शिक्षक रुपेश पाटील यांनी इशस्तवनाने कार्यक्रमाची सुरुवात केली. सेवानिवृत्त होणाऱ्या सर्व कर्मचाऱ्यांनी शाळा व संस्थेने त्यांना दिलेल्या सहकार्याबद्दल संस्था व शाळेच्या पदाधिकाऱ्यांचे आभार मानून कृतज्ञता व्यक्त केली.
शालेय समिती चेअरमन खालील देशमुख, मुख्याध्यापिका पी.एम.वाघ, किमान कौशल्य विभागाचे प्रमुख मनीष बाविस्कर यांनी सर्व सेवानिवृत्त होणाऱ्या कर्मचाऱ्यांच्या शाळा व संस्थेसाठी त्यांनी दिलेल्या योगदानाबद्दल त्यांचा गौरव केला. याप्रसंगी उपमुख्याध्यापक एन.आर.ठाकरे, पर्यवेक्षक आर.एल.पाटील, ए. बी.अहिरे, अंजली गोहिल, तांत्रिक भागाचे प्रमुख एस.एन.पाटील, सांस्कृतिक विभाग प्रमुख आर.बी.तडवी, कार्यालयीन प्रमुख अजय सिनकर, कर्मचाऱ्यांचे मित्र,नातेवाईक, कुटुंबीय व सर्व शिक्षक व शिक्षकेतर कर्मचारी बंधू-भगिनी उपस्थित होते. कार्यक्रमाचे सूत्रसंचालन आर.बी. बोरसे यांनी केले. आभार उज्वल पाटील यांनी मानले.
