निंभोरा येथे जुन्या भांडणातून दोघांना मारहाण; दोघांविरुद्ध गुन्हा दाखल

अमळनेर ( प्रतिनिधी ) – तालुक्यातील निंभोरा गावातील बाजारपेठेत जुन्या भांडणाच्या कारणावरून तरुणाला मारहाण केल्याची घटना २६ ऑगस्ट रोजी रात्री घडली. या प्रकरणी मारवड पोलीस ठाण्यात दोन जणांविरुद्ध गुन्हा दाखल करण्यात आला आहे.

पोलिसांनी दिलेल्या माहितीनुसार, सुनील रमेश सोनवणे (वय ३०, रा. निंभोरा, ता. अमळनेर) हे २६ ऑगस्ट रोजी रात्री साडेसात वाजेच्या सुमारास निंभोरा गावातील बाजारात भाजीपाला घेण्यासाठी गेले होते. त्यावेळी चंद्रशेखर युवराज पाटील हा शिवीगाळ करत असल्याचे फिर्यादीत नमूद करण्यात आले आहे.

यावेळी चंद्रशेखर युवराज पाटील हा शिवीगाळ करीत असताना त्याचा भाऊ मोहन युवराज पाटील यानेही तेथे येऊन फिर्यादीला मारहाण करण्यास सुरुवात केल्याचा आरोप आहे. मोहन पाटील याने लाकडी दांड्याने सुनील सोनवणे यांच्या डोक्यात मारहाण केल्याचे तक्रारीत म्हटले आहे.

जुन्या भांडणाच्या कारणावरून हा वाद झाल्याचे पोलिसांनी नमूद केले आहे. या मारहाणीत सुनील सोनवणे यांना दुखापत झाल्यानंतर त्यांनी मारवड पोलीस ठाण्यात फिर्याद दाखल केली.

फिर्यादीच्या तक्रारीवरून मारवड पोलीस ठाण्यात गुन्हा रजिस्टर क्रमांक १४६/२०२६ नुसार भारतीय न्याय संहितेतील कलम ११८(१), ११५, ३५२ व ३(५) अन्वये दोघांविरुद्ध गुन्हा दाखल करण्यात आला आहे.

या प्रकरणाचा पुढील तपास सफौ/१०२ सुनील पाटील, मारवड पोलीस ठाणे करीत आहेत. उपलब्ध माहितीनुसार, गुन्हा दाखल होईपर्यंत आरोपींना अटक करण्यात आलेली नव्हती.