नवीदिल्ली (वृत्तसंस्था) – अभिनेत्री करिना कपूर-खान सतत चर्चेत असते. तिचे लुक्स, कपडे यामुळे ती फॅशन आयकॉन मानली जाते. तिचा चाहतावर्गही मोठा आहे. परंतु सोशल मीडियापासून करिना दूरच होती. करिनाच्या चाहत्यांनी तिला अनेकदा सोशल मीडियावर येण्याची विनंती केली होती. अखेर चाहत्यांची इच्छा पूर्ण झाली असून बेबो म्हणजेच करिनाची आता इन्स्टाग्रामर एन्ट्री झाली आहे.करिनाला बॉलीवूडमधील सर्व गोष्टींची माहिती असते. तिला ‘गॉसिप क्वीन’ देखील म्हटले जाते. परंतु ती सोशल मीडियावर सक्रीय नसल्याने चाहत्यांमध्ये नाराजी होती. करिनाची बहीण करिश्मा तिचे काही फोटो शेअर करत असे. पंरतू आता करिना इन्स्टाग्रामवर आल्याने चाहत्यांना तिचे सर्व अपडेट्स मिळणार आहेत. करिनाने डीपी म्हणजेच प्रोफाइल पिक्चर म्हणून लहानपणीचा फोटो लावला आहे.या आधी देखील करिनाला अनेकदा सोशल मीडियावर कधी येणार असा प्रश्न विचारण्यात आला होता. पण करिनाला सोशल मीडियावर येण्यात काहीच रस नसल्याचे सांगितले होते. मला माझं आयुष्य खासगी ठेवायला आवडते आणि मी सोशल मीडियावर नसतानाही माझ्या आयुष्यातील सर्व गोष्टी सोशल मीडियावर पाहायला मिळतात. त्यामुळे मी सोशल मीडियावर नसूनही असल्यासारखीच आहे, असेही करिना म्हणाली होती.
