शिरसोलीचे २ गंभीर , २ जखमी; रायसोनी कॉलेज जवळील घटना
जळगाव ;- शिरसोली येथील तीन जण बाधकाम मिस्तरी काम करण्यासाठी मोटारसायकल वरुन जाणाऱ्या तीघांना मारोती ओमनीने शिरसोली रोडवरील रायसोनी काँलेज जवळ समोरून ठोकले यात दोन जण गंभीर तर एक जण जखमी झाले आहे. या तिघांना गोदावरी मेडिकल काँलेज येथे उपचारासाठी दाखल केले आहे. दरम्यान ओम्नी चालक हा किरकोळ जखमी झाला असल्याचे कळते .
याबाबत सूत्रांनी दिलेली माहिती अशी की शिरसोली येथिल राहुल शांताराम पाटील वय 25 , भुषण शाम मिस्तरी वय 24, व सागर नाना पाटील वय 25 सर्व राहणार शिरसोली प्र.न. येथिल अशोकनगर परिसरातील भोलेनाथ नगर व स्वामी समर्थ मंदिरा जवळील हे तीघे आज शिरसोली कडून सकाळी 7 वाजता जळगाव येथे बाधकाम मिस्तरी काम करण्यासाठी मोटारसायकल क्र.MH-19 DK.9890 वरुन जात होते. जळगाव कडून शिरसोली कडे भरधाव येणाऱ्या ओमनी क्र. MH-19CF.3754 ने रायसोनी काँलेज जवळील घटाळतीसमोर हॉटेल आमंत्रण समोर ओव्हरटेकच्या नादात जोरदार धडक दिली . यात राहुल पाटील,सागर पाटील हे दोघे गंभीर जखमी झाले आहे. तर भुषण मिस्त्री हा जखमी झाला आहे. या चौघांना उपचारासाठी गोदावरी मेडिकल काँलेज येथे हलविले आहे.दोघे गंभीर जखमीची तब्येत चिंताजनक आहे. याबाबत पोलीसांत अद्याप कुठलीही नोंद झाली नसून मारोती ओमनी ही जळगाव येथील पोपट कोल्हे यांच्या मालकीची असल्याचे आरटीओ येथिल आँनलाईन नोदणी नुसार कळते. अपघाताची माहिती मिळताच घटनास्थळी एमआयडीसी पोलीस स्टेशनचे सहाय्य्क फौजदार अतुल वंजारी यांनी तात्काळ घटनास्थळी पोलिस कॉन्स्टेबल प्रकाश पवार सचिन पाटील निलेश भावसार राजेंद्र ठाकरे यांना पाठवून जखमींना उपचार्थ दाखल करून वाहतूक सुरळीत केली .
