जळगाव तालुक्यातील भादली शिवारातील घटना
जळगाव (प्रतिनिधी) – भादली शिवारातील शेत जवळी असलेल्या तापी नदीच्या पुराच्या पाण्यात पाय घसरुन ३८ वर्षीय शेतकऱ्यांचा बुडून मृत्यू झाल्याची घटना दि.२० रोजी दुपारी ३ वाजेच्या सुमारास घडली.
जळगाव तालुक्यातील भादली खुर्द येथील रहिवासी सुधाकर बाबुलाल सोवनणे (वय-३८) हे आपल्या भादली शिवारातील शेतात गेले होते.आपल्या शेता जवळच गुरे चारत असताना तापी नदीत त्यांचा पाय घसरल्याने ते पाण्यात पडले व नदीच्या पुरामध्ये बुडाल्याने त्यांचा शोध सुरु होता. दि. २१ रोजी त्यांचा शोध सुरु असतांना दुपारी तीन वाजेच्या सुमारास ते ज्या ठिकाणी बुडाले त्या ठिकाणापासून एक किलामीटर अंतरावर भोकर शिवारात त्यांचा मृतदेह मिळून आला. सुधाकर सोनवणे यांच्या पश्चात एक मुलगा, एक मुलगी, पत्नी, एक भाऊ, दोन बहिणी, आई असा परिवार आहे. दरम्यान, याप्रकरणी जळगाव तालुका पोलिस स्टेनला अकस्मात मृत्यूची नोंद करण्यात आली असून रात्री त्यांच्या मृतदेहावर अंत्यसंस्थार करण्यात येणार आहे. याप्रकरणी पुढील तपास पो.हे.कॉ. ईश्वर लोखंडे, आर.के. राठोड हे करीत आहेत.
