जळगाव : शहरातील आकाशवाणी चौकातील अॅपेक्स हॉस्पिटलच्या मेडिकलमध्ये चोरी झाल्याची घटना रविवारी पहाटेच्या 4.35 वाजेच्या सुमारास घडली. तसेच त्याच लाईनमध्ये असलेल्या विनोद मेडिकल व विवेकानंद नेत्रालयात देखील चोरट्यांनी चोरीचा प्रयत्न केला परंतु रात्रपाळीस असलेल्या कर्मचार्यांच्या सतर्कतेमुळे चोरट्यांनी पळ काढल्याचा प्रकार उघडकीस आला आहे. याप्रकरणी अॅपेक्स मेडिकलमध्ये रात्रपाळीस कर्तव्यावर असलेले चेतन नेवे यांच्या फिर्यादीवरुन गुन्हा दाखल करण्याचे काम सुरु होते. दरम्यान चोरटे सीसीटीव्ही कॅमेर्यात कैद झाले असून पोलिसांनी सीसीटीव्ही फुटेज ताब्यात घेतले आहेत. आकाशवाणी चौकातील राष्ट्रीय महामार्गावर असलेल्या अपेक्स हॉस्पिटलमधील अपेक्स मेडीकल दुकानाजवळ 20 जून रोजी पहाटे 4 वाजेच्या सुमारास मध्यरात्री तवेरा कारमध्ये अज्ञात तिघेजण आले. कटरच्या सहाय्याने मेडीकलचे शटर उचकावून 8200 रुपयांचा मुद्देमाल लांबविली आहे. त्यानंतर दुसर्या घटनेत त्याच रस्त्यावर असलेले विनोद हाॅस्पिटलच्या मेडीकल जवळ 4 वाजून 35 मिनीटांनी तवेराने चोरटे आले. त्यांनी हॉस्पिटलसमोर कार उभी करुन तिघांपैकी पहिला चोरटा तोडला रूमाल आला. हॉस्पिटलच्या वाल कम्पाऊंडच्या भिंतीवरून उडी घेतली. त्यानंतर
दुसरा साथीदार कटर घेवून कम्पाऊंडजवळ आला. तो देखील कम्पाऊंडमध्ये उडी मारून मेडीकल समोर आला. लोखंडी टॉमीच्या मदतीने शटर उचकविण्याचा प्रयत्न करीत असतांना विनोद हॉस्पिटलमध्ये रात्र पाळीसाठी असलेले सुरेश राऊत यांनी बाहेर डोकावून पाहिले असता दोन चोरटे लोखंडी टॉमी आणि कटर घेवून पळ काढतांना दिसून आले. हा सर्व प्रकार सीसीटीव्हीत कैद झाला आहे. तर तिसर्या घटनेत विवेकानंद नेत्रालय हॉस्पिटल येथील
मेडीकल फोडून पाण्याच्या बाटल्या लांबविल्या आहे.
