महापालिका निवडणुकीत प्रभाग १७ चे शिवसेना उबाठा गटाचे चारही उमेदवार विजयी
प्रभाग ६ मधूनही अर्शिन बानू शोएब खाटीक ९४ मतांनी विजयी
जळगाव प्रतिनिधी जळगाव शहर महापालिकेची मतमोजणी सुरु असतांना एकीकडे महायुतीच्या उमेदवारांनी विजयाकडे आगेकूच सुरु असतांना महाविकास आघाडीच्या प्रभाग क्रमांक १७ मध्ये चारही उमेदवारअक्षय वंजारी,इब्राहिम पटेल,जरीनाबी शब्बीर शहा ,हीनाबी शाकीर खान हे विजयी झाले असून प्रभाग क्रमांक ६ मधून देखील उबाठा गटाच्या अर्शिन खाटीक यांनी विजय मिळविला आहे. प्रभाग क्रमांक ६ अ च्या उमेदवार अर्शीन खाटीक यांनी भाजपच्या जयश्री धांडे आणि शरद पवार राष्ट्रवादी गटाच्या हेतल महेंद्र यांचा पराभव केला आहे. मात्र अवघ्या ९४ मतांच्या आघाडीने अर्शिन खाटीक यांचा विजय झाल्याने पराभूत उमेदवारांनी फेरमतमोजणीची निवडणूक अधिकाऱ्यांकडे मागणी केली आहे.
दरम्यान प्रभाग क्रमांक 10 मध्ये माजी उपमहापौर कुलभूषण पाटील यांना 5692 मते तर प्रतिस्पर्धी भाजपचे उमेदवार जाकिर खान रसुल खान यांना 5892 मते मिळाली असून त्यांचा २० मतांनी विजय झाला असून कुलभूषण पाटील यांनी फेर मतमोजणीची मागणी अधिकाऱ्यांकडे केली असून अधिकाऱयांनी न्यायालयात जा असे सांगत अर्ज स्वीकारला नसल्याची तक्रार केल्याने कुलभूषण पाटील यांनी मतमोजणी स्थळी ठिय्या मांडला. त्यामुळे या प्रभागाच्या निकालाकडे जळगावकरांचे लक्ष लागले आहे.
