घराजवळून अचानक गायब; अज्ञात व्यक्तीविरुद्ध एमआयडीसी पोलिसांत गुन्हा
जळगाव ( प्रतिनिधी ) – जळगाव तालुक्यातील कुसुंबातून १६ वर्षीय विद्यार्थिनी बेपत्ता झाल्याची घटना समोर आली आहे. अज्ञात व्यक्तीने तिला फूस लावून पळवून नेल्याच्या संशयावरून एमआयडीसी पोलिस ठाण्यात गुन्हा दाखल करण्यात आला आहे.
अल्पवयीन मुलगी ही ५ जुलै रोजी दुपारी एक वाजेच्या सुमारास घराजवळून निघून गेली. बराच वेळ उलटूनही ती घरी परत न आल्याने कुटुंबीयांनी तिचा शोध घेतला. मात्र, कोणताही ठावठिकाणा न लागल्याने पोलिसांत तक्रार दाखल करण्यात आली.
फिर्यादी यांनी दिलेल्या तक्रारीवरून अज्ञात व्यक्तीविरुद्ध भारतीय न्याय संहिता कलम १३७(२) अन्वये गुन्हा दाखल करण्यात आला आहे.
एमआयडीसी पोलिसांनी विद्यार्थिनीचा शोध घेण्यासाठी विविध पथके तयार केली असून, नातेवाईक आणि मित्रपरिवाराकडे चौकशी सुरू आहे. परिसरातील सीसीटीव्ही फुटेजचीही तपासणी केली जात आहे.
