आगामी निवडणुकीत बीआरएसचा गुलाबी झेंडा फडकेल: जिल्हाध्यक्ष लकी अण्णा
जळगाव ( प्रतिनिधी ) – जळगाव ग्रामीण विधानसभेतील कानळदा येथील तरुणांनी भारत राष्ट्र समिती म्हणजेच बीआरएस पक्षात प्रवेश केले. यावेळी जळगाव जिल्हाध्यक्ष लकी अण्णा यांनी बीआरएस चे गुलाबी रुमाल आणि माहिती पुस्तिका देवून स्वागत केले. जळगाव ग्रामीण सह जिल्ह्यात बीआरएस पक्षात अनेकांचे प्रवेशाचे सत्र सुरूच असून, गुलाबी वादळाची सुरुवात झाल्याची चर्चा आहे. बीआरएस पक्षाचे गुलाबी वादळ यामुळे आजी माजी मंत्र्याची देखील आता कसोटी लागणार असल्याची जोरदार चर्चा जळगाव ग्रामीण मतदार संघासह जळगाव जिल्ह्यात सुरू झालीय. आगामी काळात देखील अनेक दिग्गज प्रवेश करणार असल्याची चर्चा देखील सर्वत्र सुरू आहे.
प्रवेश केलेल्या तरुणांमध्ये यांचा आहे समावेश ..
बीआरएस पक्षात प्रवेश केलेल्या तरुणांमध्ये रितेश सुरेश सोनवणे,दीपक मनोज पारधी,संजय गंभीर बेडीस्कर, समाधान श्रीराम सपकाळे,योगेश रमेश चव्हाण,महेश मधुकर जगताप,पप्पू शालम पिंजारी,जितेंद्र श्रीराम सपकाळे,पंकज सुरेश सातोटे,कल्पेश संजय राणे,पवन प्रभाकर कोळी यांचा समावेश आहे. यावेळी भगवान धनगर यांनी प्रवेश प्रसंगी बीआरएस पक्षाचे कार्याबद्दल आणि राष्ट्रीय अध्यक्ष के चंद्रशेखर राव साहेब तसेच जिल्हाध्यक्ष लकी अण्णा यांचे सामाजिक राजकीय कार्याबद्दल माहिती देत प्रास्ताविक केले.
जळगाव ग्रामीण विधानसभेतील हे प्रवेश स्वयं स्फूर्तीने होत असून, बीआरएस पक्षाचे राष्ट्रीय अध्यक्ष तथा तेलंगणा राज्याचे मुख्यमंत्री के चंद्रशेखर राव म्हणजेच के सी आर साहेबांचे शेतकरी आणि गोर गरीब जनतेच्या हितासाठी असणारी दूरदृष्टी असे नेतृत्व यावर विश्वास ठेवत तसेच प्रभारी श्री वामशीधरराव , प्रदेश प्रमुख माणिकराव कदम, उत्तर महाराष्ट्र समन्वयक नानासाहेब बच्छाव यांचे मार्गदर्शनात आता लोकांना परिवर्तन हवे आहे. असे सांगत शेतकरी आणि गोर गरीब जनतेच्या प्रलंबित समस्या सोडविण्यासाठी जसे की विद्यमान खासदार आणि आमदार तसेच मंत्री आणि सरकारची असणारी उदासीनता याला पर्याय म्हणून आता बीआरएस पक्षात प्रवेश होत आहेत. आगामी निवडणुकीत आता बीआरएस पक्षाचा गुलाबी झेंडा नक्कीच फडकेल असा ठाम विश्वास यावेळी जिल्हाध्यक्ष लकी अण्णा यांनी व्यक्त केला. तर शेतकरी तरुण बांधवांनी आता के सी आर साहेबांचे नेतृत्वात आता पक्षात स्वागत आहे असे देखील ते यावेळी म्हणाले. यावेळी भगवान धनगर, नरेंद्र पाटील हे उपस्थित होते.
