
जळगावच्या पिंप्राळा हुडको भागातील घटना
जळगाव (प्रतिनिधी) :- लग्नाचे आमिष दाखवून एका महिलेच्या इच्छेविरुद्ध शारीरिक संबंध ठेवून अत्याचार केल्याचा, तसेच मारहाण करत शिवीगाळ करून मुलांना जीवे मारण्याची धमकी दिल्याचा प्रकार जळगाव शहरातील पिंप्राळा हुडको परिसरात उघडकीस आला आहे. याप्रकरणी रामानंद नगर पोलीस ठाण्यात गुन्हा दाखल करण्यात आला आहे.


प्राप्त माहितीनुसार, पिंप्राळा हुडको येथील १२० खोल्या परिसरात राहणाऱ्या ३० वर्षीय महिलेने दिलेल्या फिर्यादीनुसार, सन २०२० ते १५ फेब्रुवारी २०२५ या कालावधीत हा प्रकार घडला. संशयित आरोपी रोहन सुनिल गारुंगे (रा. इचलकरंजी, जि. कोल्हापूर) याने फिर्यादीला लग्नाचे आमिष दाखवले. त्यानंतर तिच्या इच्छेविरुद्ध शारीरिक संबंध ठेवून अत्याचार केला, तसेच तिला मारहाण करत शिवीगाळ केली. शिवाय, फिर्यादीचा मुलगा गौरव सुशील सुरवाडे आणि मुलगी हिमांशी यांना जीवे ठार मारण्याची धमकी दिल्याचेही फिर्यादीत नमूद करण्यात आले आहे.
या फिर्यादीवरून शुक्रवारी, दि. २० नोव्हेंबर २०२६ रोजी सायंकाळी ६.०७ वाजता रामानंद नगर पोलीस ठाण्यात गुन्हा नोंदवण्यात आला आहे. अद्याप संशयित आरोपीला अटक करण्यात आलेली नसून, या प्रकरणाचा पुढील तपास पोलीस उपनिरीक्षक संजय तडवी करीत आहेत.









