जळगाव (प्रतिनिधी ) ;– आमदार एकनाथराव खडसे यांचे जावई गिरीश दयाराम चौधरी यांना सुप्रीम कोर्टाने भोसरी येथील कथित जमीन गैरव्यवहार प्रकरणात जामीन मंजूर करण्यात केला आहे.
भोसरी येथील कथित भूखंड गैरव्यवहार प्रकरणात माजी मंत्री एकनाथराव खडसे हे गोत्यात आलेले आहेत. या प्रकरणी ईडीने आधी त्यांची चौकशी केली होती. यानंतर ७ जुलै २०२१ पासून त्यांचे जावई गिरीश दयाराम चौधरी हे अटकेत होते.. गिरीश चौधरी यांचा जामीन अर्ज आधी देखील फेटाळण्यात आला होता. यानंतर एप्रिल महिन्यात पुन्हा त्यांचा अर्ज उच्च न्यायालयाने फेटाळला होता. यानंतर त्यांनी सुप्रीम कोर्टात अर्ज दाखल केला होता.
एकनाथराव खडसे हे महसूलमंत्री असतांना २०१६ साली भोसरी औद्योगीक वसाहतीतील एक भूखंड त्यांचे जावई गिरीश दयाराम चौधरी आणि सौभाग्यवती मंदाताई खडसे यांनी विकत घेतला होता. या प्रकरणी खडसे यांनी गैरमार्गाने हा व्यवहार सुरळीत करण्यासाठी मंत्रीपदाचा गैरवापर केल्याचा आरोप झाला होता. यातून त्यांना जून २०१६ मध्ये मंत्रीपदाचा राजीनामा द्यावा लागला होता. यानंतर याच प्रकरणात सक्तवसुली संचलनालय म्हणजेच ईडीने गुन्हा दाखल केला होता. या प्रकरणाच्या तपासामध्येच खडसेंचे जावई गिरीश दयाराम चौधरी यांना ईडीने ७ जुलै २०२१ रोजी अटक केली असून ते आजवर कारागृहात आहेत. तर एकनाथ खडसे आणि त्यांच्या सौभाग्यवती मंदाताई खडसे यांना जामीन मिळालेला आहे.
