भडगाव ( प्रतिनिधी ) – येथिल ग्रामीण रुग्णालयातील नेत्र चिकीत्सक संतोष एम. अहिरे दारुच्या नशेत तर्रर सापडल्याने आता त्यांना कारणे दाखवा नोटीस बजावण्यात आली आहे. याबाबत ७ दिवसात खुलासा सादर करण्याचे त्यांना सुचित करण्यात आले आहे .
नेत्र चिकीत्सक संतोष एम. अहिरे कार्यालयीन वेळेत दारुच्या नशेत होते. ग्रामीण रुग्णालयात डोळे तपासणी व शस्त्रक्रिया करण्यासाठी बोलवलेले २५ ते ३० रुग्ण ग्रामीण रुग्णालयात ताटकळत उभे होते. याबाबत रुग्णानी संतप्त प्रतिक्रिया व्यक्त करत कारवाईची मागणी केली होती.
याची दखल घेत ग्रामीण रुग्णालयाचे वैद्यकीय अधिक्षक डॉ. साहेबराव अहिरे यांनी नेत्र चिकीत्सक संतोष एम. अहिरे यांना कारणे दाखवा नोटीस बजवत आपण नेमुन दिलेल्या कर्तव्यात कसूर केल्याचे निदर्शनास आले आहे. ३ जानेवारीरोजी कर्तव्यावर आपण मद्य प्राशन करुन आले होते. रुग्णाची तपासणी न करता झोपुन असल्याचे निदर्शनास आले आहे. रुग्णाशी उध्दटपणे वागणे, कामात हलगर्जीपणा इ. बाबी दिसुन आले आहे. यामुळे ग्रामीण रुग्णालयाची प्रतीमा मलीन झाली आहे. आपल्या विरुध्द महाराष्ट्र नागरी सेवा (शिस्त व अपिल) नियम १९७९ मधिल तरतुदी नुसार कारवाई करण्याकामी आपला अहवाल वरीष्ठांकडे का सादर करण्यात येवु नये अशी कारणे दाखवा नोटीस नेत्र चिकीत्सक संतोष एम. अहिरे यांना वैद्यकिय अधिक्षक साहेबराव अहिरे यांनी ६ जानेवारीरोजी बजावली आहे.
