महायुतीची प्रचार रॅलीत आघाडी
चाळीसगाव (प्रतिनिधी) :- येथील विधानसभा मतदारसंघाचे महायुतीचे उमेदवार आ. मंगेश रमेश चव्हाण यांनी चाळीसगाव शहरात विविध ठिकाणी प्रचार करून नागरिकांशी संवाद साधला. विकासकामांसाठी महायुतीच्या उमेदवारांच्या पाठीशी राहा असे आवाहन महायुतीच्या पदाधिकाऱ्यांनी यावेळी केले आहे.
माझ्या कार्यकाळात चाळीसगाव शहराच्या विकासासाठी अत्यंत तळमळीने काम केले आहे. रस्त्यांचे मजबुतीकरण, पाणीपुरवठ्याच्या योजना, समाजहितासाठी सार्वजनिक स्थळांची उभारणी अशा विविध कामांतून शहराच्या विकासाचे नवे अध्याय लिहिले आहेत. नागरिकांच्या विश्वासाच्या बळावर हा बदल शक्य झाला आहे, याचा मला अभिमान आहे. या निवडणुकीत पुन्हा आपल्या प्रेम आणि विश्वासावर उभा आहे, असे प्रतिपादन आ. मंगेश चव्हाण यांनी केले.
चाळीसगाव शहरातील संत संताजी जगनाडे महाराज चौक, सदानंद हॉटेल, संताजी पॉईंट,साई कृपा चौक, छोटी गुजरी, आदर्श मित्र मंडळ, वसंत चक्की, भीम नगर, मेहतर कॉलनी, हरिओम नगर, मारुती मंदिर चौधरी वाडा.गोपाळपुरा, पंचम ऑफिस, शिवनेरी हॉटेल ( पाठीमागचा भाग ),कोळी वाडा, उर्दू बालवाडी, इस्लामपुरा, दत्त मंदिर चौक, प्रभात गल्ली या भागातील नागरिकांशी संवाद साधत आ. चव्हाण यांनी, मला पुन्हा एकदा निवडून देण्याची विनंती केली.
