पारोळा तालुक्यात झाली होती घटना
अमळनेर (प्रतिनिधी) :- पारोळा तालुक्यातील वाघरे गावाजवळ भडगाव पारोळा महामार्गावर बस आणि टेम्पोच्या धडकेत एक वृद्ध इसम गंभीर जखमी झाले होते. उपचारादरम्यान त्यांचा मृत्यू झाला आहे. ते अमळनेर तालुक्यातील ढेकू खुर्द येथील रहिवासी होते.
दि. २० ऑगस्ट रोजी हा अपघात झाला होता. या अपघातात टेम्पो चालक जागीच ठार झाला होता. तर ४२ जण जखमी झाले होते. या अपघातात एसटीमध्ये प्रवास करत असलेले ढेकू खु. येथील रघुनाथ गणपत पाटील (सोनवणे, वय ८३) हे गंभीर जखमी झाले होते. त्यांच्यावर २० ऑगस्टपासून खाजगी रुग्णालयात उपचार सुरू होते. मात्र प्रकृती खालावल्याने दि. ५ सप्टेंबर रोजी त्यांची प्राणज्योत मालवली. या अपघातातील मृताच्या नातेवाईकांना व जखमींना तत्काळ मदत मिळावी अशी मागणी होत आहे.
