भुसावळ येथील तरुणाच्या खूनप्रकरणी गुन्हेगारीचे भयानक वास्तव समोर
घटना सीसीटीव्ही कॅमेरात कैद ; ६ जणांवर गुन्हा दाखल
जळगाव (प्रतिनिधी) :- भुसावळ शहरात शुक्रवारी सकाळी तेहरीम अहमद नासिर शेख या तरुणाचा खून झाला होता. याप्रकरणी भुसावळ बाजारपेठ पोलीस स्टेशनला ६ तरुणांविरुद्ध गुन्हा दाखल करण्यात आला असून पोलिसांनी संशयितांची धरपकड सुरु केली आहे. दरम्यान, मयत तरुणाच्या मानेत गोळ्या झाडल्यामुळे त्या मानेतून पोटापर्यंत गेल्याची माहिती पोलिसांकडून मिळाली आहे.
जाकीर मेहबूब खान (वय ४६, रा. जाम मोहल्ला, भुसावळ) यांनी फिर्याद दिली आहे. शुक्रवार दि. १० जानेवारी रोजी सकाळी साडेसहा वाजेच्या सुमारास फिर्यादी जाकीर खान, मयत तरुण तेहरीम अहमद नासिर अहमद शेख, अब्बास खान निसार खान, जहांगीर खान अन्वर खान असे सर्व मच्छीवाड्यातील मशिदीत नमाज पठण झाल्यावर चहा पिण्यासाठी डीडी सुपर कोल्ड्रिंक्स येथे चहा पिण्यासाठी गेले होते.(केसीएन) त्यावेळेला तेथे संशयित आरोपी तनवीर मज्जिद पटेल, अन्वर पटेल, रमीज पटेल, शेख साहिल शेख रशीद असे आले. सर्वांच्या हातात बंदुका होत्या. त्यांनी शिवीगाळ केली. तसेच तनवीर पटेल यानी तेहरीम याला, ‘तुने हमारे भाई को पिछले साल मारा था, अब तेरा खेल खत्म’ असे बोलून त्याच्यावर हातातील बंदुकीने गोळी झाडली. ही गोळी तेहरीम अहमद याच्या उजव्या कानाच्या खाली मानेवर लागून गेली.
गोळीबाराचा आवाज ऐकून चहा दुकानातील लोकांनी पळापळ सुरू केली. तरी तेहरीम अहमद हा हॉटेल मधून पळू लागला, तेव्हा हातातील बंदूक घेऊन इतर संशयित आरोपींनी तेहरीम अहमद याच्यावर गोळ्या झाडल्या. त्यातील एक गोळी उजव्या बाजूला मानेवर लागली. आणखी एक गोळी पाठीमागील बाजूस लागली.(केसीएन)त्यामुळे तेहरीम अहमद हा खाली कोसळला. त्यानंतर संशयित आरोपींनी हॉटेलमधून बाहेर निघून ‘हमारे बारे में किसने किसीको बोला, तो इसके जैसा तुम्हारे को मार डालेंगे’ अशी धमकी दिली. त्यानंतर संशयित आरोपी अन्वर पटेल व शेख साहिल हे रेल्वे स्टेशनच्या दिशेने गेले तर दुसरे संशयित आरोपी तनवीर पटेल व रमीज पटेल हे शिवाजीनगर भागाकडे पळून गेले.
यानंतर फिर्यादी व त्यांच्या मित्रांनी तेहरीम अहमद याला खाजगी रुग्णालयात उपचारासाठी दाखल केले होते. त्या ठिकाणी त्यास मयत घोषित करण्यात आले. त्यानंतर फिर्यादीला माहिती मिळाली की, तेहरीम अहमद याचा खून करणेकामी मज्जिद पटेल व अदनान उर्फ कालिया शेख युनूस यांनी संगनमत करून खून केला आहे.(केसीएन)त्यानुसार तनवीर मज्जिद पटेल, अन्वर पटेल, रमीज पटेल, शेख साहिल शेख रशीद, मज्जिद पटेल व अदनान उर्फ कालिया शेख युनूस अशा ६ आरोपींविरोधात भुसावळ बाजारपेठ पोलीस स्टेशन येथे गुन्हा दाखल करण्यात आला आहे. पोलिसांनी संशयितांची धरपकड सुरु केली आहे.
