जळगाव ते भादली दरम्यान रेल्वे रुळावर घडली घटना
जळगाव (प्रतिनिधी) : धावत्या रेल्वेसमोर झोकून देत एका इसमाने आत्महत्या केली. ही घटना जळगाव ते भादलीदरम्यान शुक्रवारी रात्री घडली. या प्रकरणी तालुका पोलिस ठाण्यात अकस्मात मृत्यूची नोंद करण्यात आली आहे.
रवींद्र भोजू अलकारी (४२, रा. तरसोद, ता. जळगाव) असे मयत ईसमाचे नाव आहे. जळगाव ते भादली दरम्यान डाऊन रेल्वे मार्गावर खांबा क्रमांक ४२६/९ ते ४२६/११ दरम्यान एकाने रेल्वेसमोर आत्महत्या केल्याची माहिती लोको पायलटने भादली स्थानकावर उपस्टेशन प्रबंधकांना दिली.(केसीएन)त्यानंतर या विषयी तालुका पोलिसांना कळविण्यात आले. त्या ठिकाणी पोहेकॉ विलास शिंदे व सहकारी पोहचले. मयताच्या खिशात विजेचे बिल व पाकीटात आधार कार्ड सापडले.
त्यावरून रवींद्र अलकारी, रा. तरसोद अशी त्यांची ओळख पटली. तसेच त्या ठिकाणी असलेले गँगमन तरसोद गावातीलच असल्याने त्यांनीही लगेच ओळखले. त्यानुसार गावात पोलिस पाटील व कुटुंबीयांना माहिती देण्यात आली. (केसीएन)त्यानंतर मृतदेह शासकीय वैद्यकीय महाविद्यालय व रुग्णालयात नेण्यात आला.
या प्रकरणी तालुका पोलिस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ विलास शिंदे करीत आहेत.
