जळगाव ( प्रतिनिधी ) – शहरातील आकाशवाणी चौकात आज सकाळी ट्रॅकने दुचाकीला धडक दिल्याने दुचाकीवरील दोन मुले जखमी झाले आहेत .
सावद्याहून आलेला एम एच १५ – सी के – ५२५२ क्रमांकाचा हा ट्रक सिमेंट भरण्यासाठी पिंप्राळा भागातील रेल्वे माल धक्क्याकडे जात होता . आकाशवाणी चौकात या ट्रकने एम एच १९ – के २४१३ क्रमांकाच्या दुचाकीला धडक दिली . या अपघातात दुचाकीवरील दोन जण जखमी झाले . हे जखमी झालेले दोन्ही जण अल्पवयीन मुले आहेत . अपघातांनंतर स्थानिक नागरिकांनी या मुलांना भास्कर मार्केट परिसरातील एका खाजगी रुग्णालयात दाखल केले आहे .
दरम्यान या जखमी मुलांच्या उपचारांचा खर्च ट्रक चालक मोतीसिंग अर्जुनसिंग परदेशी ( वय ५५ , रा – सावदा , ता – रावेर ) यांनी देण्याची तयारी दाखवल्याने आणि कुणीच कुणाच्या विरोधात पोलिसांना फिर्याद न दिल्याने व आपसात समझौता झाल्याने पोलिसांकडे या अपघाताची नोंद झाली नसल्याचेही सांगण्यात आले .
