अमळनेर शहरातील घटना
अमळनेर (प्रतिनिधी) : शहरातील पैलाड भागातून बोरी नदी पुलावर प्रवेश करताना दुभाजकवर बस चढून अपघात झाल्याची घटना रात्री घडली. यात एक महिला गंभीर झाली. अमळनेर पोलीस स्टेशनला घटनेची नोंद करण्यात आली आहे.
जळगावहुन शिंदखेडा जाणारी बस ( एम एच १४ बी टी २०८६) शहरातील पैलाड भागातून बोरी नदी पुलावर प्रवेश करत होती. तेव्हा दूध डेअरीजवळ दुभाजकवर बस चढली. यात एक महिला गंभीर जखमी आहे. पोलिसांना माहिती मिळताच त्यांनी घटनास्थळी जाऊन माहिती जाणून घेतली. जखमी महिलेवर रुग्णालयात उपचार करण्यात आले.
