जळगाव ;-येथील एसटी वर्कशॉपमधील अधिकारी एका बसला मागे घेण्याच्या सूचना करीत असताना अचानक दुसर्या बसच्या ड्रायव्हरने जोरात रिव्हर्स बस घेतल्याने दोन्ही बसच्या मध्ये दाबल्या जाऊन त्या अधिकार्याचा मृत्यू झाल्याची दुर्दैवी घटना आज येथे घडली यामुळे एसटी कर्मचाऱ्यांमध्ये हळहळ व्यक्त होत आहे . ते दहा दिवसांच्या सुटीवर असताना आजच रुजू झाल्याने हि घटना घडली भीकन शंकर लिंडायत (वय ५७, एसटी कॉलनी) असे मयत अधिकाऱ्यांचे नाव आहे .
एसटी वर्कशॉपमध्ये चार्जमन म्हणून कार्यरत असणारे भीकन शंकर लिंडायत (वय ५७, एसटी कॉलनी) हे दुरूस्त झालेल्या एका एसटीच्या वाहकाला हात मागे करून दिशानिर्देश देत होते. यातच मागे एक बस उभी असल्याचे त्यांच्या लक्षात आले नाही. तर समोरच्या वाहकाने गाडी जोरात रिव्हर्स घेतल्याने त्यांना धक्का लागला. आणि ते दोन्ही बसच्या मध्ये दबले गेले. या अपघातात त्यांचा जागीच मृत्यू झाला.
दरम्यान, भीकन शंकर लिंडायत हे गेल्या दहा दिवसांपासून सुटीवर होते. आजच ते ड्युटीवर रूजू झाले असतांना त्यांच्या दुर्दैव मृत्यू झाला . यंदा ३१ डिसेंबरला ते सेवानिवृत्त होणार होते. त्यांच्या पश्‍चात पत्नी, मुलगा, दोन मुली असा परिवार आहे. त्यांच्या मृत्येने एसटी कॉलनीसह परिसरावर शोककळा पसरली आहे.
