पाचोरा-भडगाव मतदारसंघात घेतल्या मतदारांच्या गाठीभेटी
पाचोरा (प्रतिनिधी) :- पाचोरा विधानसभा मतदारसंघात महायुतीचे उमेदवार आ. किशोर पाटील यांच्यासह पुत्र सुमित पाटील, मुलगी प्रियंका पाटील यांनी मतदारसंघात प्रचाराला जोरदार सुरुवात केली आहे. बुधवारी तालुक्यात काही गावांमध्ये पुत्र सुमित पाटील स्वतः जाऊन ग्रामस्थांशी संवाद साधत असून आवाहन करीत आहे.
आ.किशोर पाटील यांनी उमेदवारी अर्ज भरल्यावर मतदारसंघात प्रचाराला सुरुवात केली आहे. प्रचारासाठी शहरातील प्रत्येक वार्डात, नगरात मतदारांच्या घरी जात आहेत. त्याचप्रमाणे पुत्र सुमित पाटील संध्याकाळी तालुक्यातील ग्रामीण भागात प्रत्येक गटातील नागरिकांच्या भेटी घेत आहेत. कनाशी (देव्हारी), लोण पिराचे, वलवाडी बुद्रुक व खुर्द आदी ठिकाणी प्रचार सुमित पाटील करीत असून त्यांना जनतेतून सकारात्मक प्रतिसाद लाभत आहे.
