सावदा पोलीस स्टेशनची कामगीरी
रावेर (प्रतिनिधी) :-रावेर तालुक्यातील सावदा शहरात बनावट नोटा सापडल्याने खळबळ उडाली. शहरातील २ संशयितांकडून १०० रुपये दराच्या ७६ नोटा व दुचाकी असे ३७ हजाराचा मुद्देमाल ताब्यात घेण्यात आला आहे.
शुक्रवारी दि. १३ डिसेंबर शुक्रवार रोजी दुपारी २ वाजेच्या सुमारास सपोनि विशाल पाटील यांना सावदा शहरात बनावट नोटा बाळगणारे इसम येणार असल्याची गोपनीय माहिती मिळाली होती त्यावरून वरिष्ठ अधिकारी महेश्वर रेड्डी, पोलीस अधीक्षक, अशोक नखाते, अपर पोलीस अधीक्षक, राजकुमार शिंदे, उपविभागीय पोलीस अधिकारी, मुक्ताईनगर भाग यांचे मार्गदर्शनाखाली विशाल पाटील यांनी त्यांचे पथकातील पोलीस उप निरिक्षक राहुल सानप, सफौ संजय देवरे, पोहेका संजीव चौधरी, पोहेका उमेश पाटील, पोहेका यशवंत तहाकडे, पोहेका किरण पाटील, पोना निलेश बाविस्कर यांचे पथकाने सापळा रचून शिताफीने सावदा शहरात बनावट नोटा बाळगणारे दोन संशयित व्यक्तींना अटक करण्यात आली.
सावदा शहरातील शेख आरिफ शेख फारूक, अझरखान अयुब खान (दोघे रा. ख्वाजा नगर, सावदा) यांना अटक केली असून त्यांच्या ताब्यात भारतीय चलनासारख्या दिसणाऱ्या शंभर रुपये दराच्या ७६ चलणी नोटा व एक मोटरसायकल असा एकूण ३७ हजार ६००/- किमतीचा मुद्देमाल ताब्यात घेण्यात आला आहे. तसेच पोलीस उपनिरीक्षक अमोल गरजे हे तपास करीत आहेत.
