अमळनेर तालुक्यातील भिलाली येथील घटना
अमळनेर (प्रतिनिधी) :- तालुक्यातील भिलाली येथे ५५ वर्षीय इसमाने पंख्याला गळफास लावून घेत आत्महत्या केल्याची घटना दि. २८ रोजी घडली आहे. याप्रकरणी मारवड पोलीस स्टेशनला अकस्मात मृत्यूची नोंद करण्यात आली आहे.
भिलाली येथील जयसिंग नथ्थू राजपूत(गिरासे, वय ५५, रा. भिलाली ता. अमळनेर) असे मयत इसमाचे नाव आहे. त्यांनी राहत्या घरात वरच्या मजल्यावर रुममध्ये पंख्याला सुती दोरीने गळफास घेतल्याचे उघडकीस आले. ग्रामस्थांनी त्याला अमळनेर ग्रामीण रुग्णालयात दाखल केले असता डॉक्टरांनी तपासून मृत घोषित केले. याप्रकरणी मारवड पोलिसांत अकस्मात मृत्यूची नोंद करण्यात आली असून पुढील तपास हेकॉ सचिन निकम हे करीत आहेत.
