चंदूभय्याच्या विजयाचे २३ तारखेला फटाके फुटतील

मुक्ताईनगर (प्रतिनिधी) :- जनतेचा महासागर मला दिसत आहे. विरोधकांच्या बुडाखाली फटाके फुटायला लागली. पुढील महिन्यात २३ तारखेला चंदुभैय्याच्या विजयाच्या फटाकेदेखील फुटल्याशिवाय राहणार नाही. माझ्यावर देखील कधीकधी चंदू नाराज होतो. हा देणारा मुख्यमंत्री आहे. दोन्ही हाताने देण्याचे काम करीत आला, अशा शब्दात मुख्यमंत्री एकनाथ शिंदे यांनी चंद्रकांत पाटील यांचे मुक्ताईनगर-बोदवड मतदारसंघातुन नाव अप्रत्यक्षपणे घोषित केले.

मुख्यमंत्री शिंदे पुढे म्हणाले की, मुक्ताईनगरला आलो तेव्हा चंदुभैय्याला विचारले, शहरात सर्वत्र गर्दी आहे. मग सभेत कोणी आहे कि नाही ? मात्र आता पाहिले तर सभेत पाय ठेवायला जागा नाही. हे पाहून आनंद वाटला असे सांगून मुख्यमंत्र्यांनी लाडक्या भावांना व लाडक्या बहिणींना महायुतीला विजयी करण्याचे आवाहन केले.आमदार कसा असावा तर चंद्रकांत पाटील यांच्यासारखा असावा असेही शिंदे यांनी सांगितले. यावेळी त्यांना ५० हजारपेक्षा अधिक लीड मिळावा अशी माझी अपेक्षा असल्याचेही त्यांनी सांगितले.