सोयगाव तालुक्यातील निंभोरा गावाजवळील घटना
सोयगाव (प्रतिनिधी) : तालुक्यातील वरठाण ते खडकदेवळा रस्त्याच्या दरम्यान असलेल्या निंभोरा गावाजवळ दुचाकींचा भीषण अपघात झाला. नलकांडी पुलाचा रस्ता खचून पडलेल्या खड्ड्यात पाचोराकडून येणारी दुचाकी अडकून दोघे गंभीर झाल्याची घटना मंगळवारी दुपारी ४ वाजेच्या सुमारास घडली.
रोशन पाटील, बेबाबाई पाटील असे जखमीचे नाव आहे. निभोरा गावाजवळ असलेल्या हा रस्तामधील नळकांडी पुलावर रस्ता खचून पाईप फुटल्याने मोठा खड्डा पडला आहे. हा खड्डा चुकविण्याच्या नादात एक दुचाकी घसरली. त्यात मुलगा व आई जखमी झाल्याची घटना घडली आहे. दरम्यान पुलावरून वाहतूक ठप्प झाल्याने पाचोरा आगाराच्या बनोटीकडे धावणाऱ्या बसेस मंगळवारी बंद करण्यात आल्या आहेत.
