भडगाव तालुक्यातील कजगाव येथील घटना
भडगाव (प्रतिनिधी) : तालुक्यातील कजगाव येथील आठवडे बाजारात बाजार करणाऱ्या एका महिलेची ७ ग्रॅमची सोन्याची पोत अज्ञात चोरट्यांनी लांबवली. कजगाव पोलीस मदत केंद्राच्या कर्मचाऱ्यांनी चोरट्यांचा शोध घेण्याचा प्रयत्न केला. मात्र ते फरार झालेले होते. दरम्यान गुन्हा दाखल करण्याचे काम सुरू होते.
भारती माधव पाटील या दिनांक ४ रोजी जुन्या गावातील बाजारासाठी इतर महिलांसह आठवडे बाजारात गेल्या होत्या. बाजार करून घरी परतताना गळ्यात पोत नसल्याचे त्यांच्या लक्षात आले. बाजारात चार ते पाच अनोळखी मुले या महिलांच्या आजूबाजूला फिरत असल्याची माहिती या महिलेने दिली. दरम्यान, कजगाव पोलीस मदत केंद्राच्या पोलिसांनी बाजारात फेरफटका मारला. चोरट्यांनी हाथसफाई करत ही पोत लांबवली. या प्रकरणी पोलीस स्टेशनला गुन्हा दाखल करण्याचे काम सुरू होते.
