पाचोरा (प्रतिनिधी) : येथील गो.से. हायस्कूल येथे दि. २३ जुलै रोजी गणवेश वाटप व वृक्षारोपणाचा कार्यक्रम संपन्न झाला. याप्रसंगी संस्थेचे चेअरमन संजय वाघ, व्हाईस चेअरमन व्ही. टी.जोशी, शालेय समिती चेअरमन खलील देशमुख, तांत्रिक विभागाचे चेअरमन वासुदेव महाजन, संस्थेचे ज्येष्ठ संचालक सतीश चौधरी, प्रकाश पाटील, जिजाबाई पाटील यांच्या प्रमुख उपस्थितीत हा कार्यक्रम संपन्न झाला.
शाळेच्या विविध उपक्रमांना व कार्यक्रमाना सढळ हस्ते मदत करणारे वैद्यकीय, सामाजिक, शैक्षणिक, व व्यावसायिक क्षेत्रातील मान्यवर डॉ. नरेश गवांदे, डॉ. अमोल जाधव, ओम राठी, रवी अग्रवाल, अनुराग भारतिया, योगेश पाटील यांच्या हस्ते गणवेश वाटप व वृक्षारोपण करण्यात आले. संस्थेचे व्हॉइस चेअरमन व्हि.टी. जोशी यांनी संस्थेसाठी ५० वर्षे योगदान दिले त्याबद्दल शालेय समिती चेअरमन खलील देशमुख यांच्या हस्ते त्यांचा स्वागत व सत्कार करण्यात आला.
याप्रसंगी शाळेच्या मुख्याध्यापिका पी.एम. वाघ, उपमुख्याध्यापक एन. आर. ठाकरे, पर्यवेक्षक आर. एल. पाटील, ए.बी.अहिरे, अंजली गोहील, आर.बी.तडवी, तांत्रिक विभागाचे प्रमुख एस. एन. पाटील, किमान कौशल्य विभागाचे प्रमुख मनीष बाविस्कर, ज्येष्ठ शिक्षिका संगीता पाटील, कार्यालयीन प्रमुख अजय सिनकर उपस्थित होते. कार्यक्रमाचे सूत्रसंचालन आर. बी. बोरसे यांनी केले.
