अमळनेर तालुक्यातील कळमसरे येथील घटना : दोन्ही मुले झाली पोरकी
अमळनेर (प्रतिनिधी) : तालुक्यातील कळमसरे येथील ४१ वर्षीय तरुणाने गुरुवार दि.१८ जुलै रोजी रात्री आत्महत्या केल्याची घटना घडली. या प्रकरणी अमळनेर पोलीस स्टेशनला अकस्मात मृत्यूची नोंद करण्यात आली आहे. दरम्यान, आईनंतर आता वडीलही वारल्यामुळे लहान मुलांनी रुग्णालयात मन हेलावणारा आक्रोश केला होता.
सुनील मधुकर पाटील (वय ४१, रा. कळमसरे ता.अमळनेर) असे मयत तरुणाचे नाव आहे. त्याच्या पश्यात आई, वडील, भाऊ, दोन मुले असा परिवार आहे. सुनील पाटील हा गावात श्रीराम मंदिराजवळ भाड्याच्या घरात राहत होता. सुनील पाटील यांच्या पत्नीचे दोन वर्षांपूर्वी दीर्घ आजाराने निधन झाले आहे.(केसीएन)त्याला दोन मुले आहेत. मुलांना स्वतः स्वयंपाक करून खाऊ घालत होता. शेती व मजुरी करून परिवाराचा उदरनिर्वाह करीत होता.
दरम्यान, सुनील पाटील यांच्या घराजवळजिल्हा मध्यवर्ती बँक आहे. या बँकेच्या ओट्यावरील शौचालयात जाऊन त्यांनी गुरुवारी दि. १८ जुलै रोजी मध्यरात्री किंवा पहाटे कधीतरी दोरीच्या साहाय्याने गळफास घेत आत्महत्या केली. दुपारी १ वाजेच्या सुमारास सकाळी मुले उठल्यावर त्यांच्या वडिलांना शोधायला लागले.(केसीएन)दरम्यान, जिल्हा बँकेत दुपारी एक कर्मचारी प्रसाधनगृहात गेल्यावर सुनील याने गळफास घेतल्याचे दिसून आले. त्याला ग्रामीण रुग्णालयात दाखल केले असता वैद्यकीय अधिकाऱ्यांनी तपासून मयत घोषित केले.
नारायण पाटील यांच्या खबरीवरून आकस्मिक मृत्यूची नोंद करण्यात आली आहे. नापीकी व बचत गटाचे कर्ज यामुळे तो नैराश्यात होता, अशी माहिती नातेवाईकांनी दिली. मुलांचे आईनंतर आता वडिलांचे छत्र हरपल्याने मुलांचा आक्रोश मनाला हेलावणारा होता. अमळनेर पोलीस स्टेशनला अकस्मात मृत्यूची नोंद करण्यात आली आहे.
