चोपडा तालुक्यातील चौगाव येथील घटना
जळगाव (प्रतिनिधी) : दिवसेंदिवस सायबर भामटे आपला कार्यभाग साधून घेत आहेत नागरिकांवर ऑनलाईन दरोडे टाकत आहेत चोपडा तालुक्यातील एका शेतकऱ्याला बसवण्यात आले आहे. शेतकऱ्याच्या बँक खात्यातून सुमारे २ लाख ८१ हजार ४२१ रुपये लंपास केले. ही घटना चोपडा येथे दिनांक २७ जून रोजी दुपारी २ वाजेच्या सुमारास घडली. याप्रकरणी चोपडा ग्रामीण पोलीस स्टेशनला गुन्हा दाखल करण्यात आला आहे.
बापूराव आधार पाटील (वय ४७, रा. चौगाव, ता. चोपडा) हे शेती करून कुटुंबाचा उदरनिर्वाह करतात. त्यांचे चोपडा येथील बंधन बँकेच्या शाखेत बचत खाते आहे. या खात्यात त्यांनी पैसे ठेवले होते. सायबर भामट्यांनी त्यांना बंधन बँक शाखा चोपडा येथील खाते क्रमांकाद्वारे ऑनलाइन पद्धतीने ओटीपी पाठविला. त्यानंतर ट्रान्झेक्शन आयडीद्वारे ही रक्कम परस्पर काढून घेत शेतकऱ्यास २ लाख ८१ हजार रुपयांची फसवणूक केली.
दरम्यान आपली फसवणूक झाल्याचे लक्षात आल्यावर शेतकऱ्याने चोपडा ग्रामीण पोलीस स्टेशनला नाव घेतली. तेथे तक्रारीनुसार चोपडा ग्रामीण पोलीस ठाण्यात गुन्हा दाखल झाला आहे. तपास पोलीस निरीक्षक कावेरी कमलाकर करीत आहेत.
