जळगाव तालुक्यातील कोहिनुर पार्क येथील घटना
जळगाव (प्रतिनिधी) : शहरापासून जवळ असलेल्या कोहीनूर पार्क येथे तरूणाचे घर बंद असतांना खिडकीतून हात घालून आतील कडी उघडून घरातून सोन्याचे मंगळसुत्र आणि कानातील सोन्याच्या रिंगा असा एकुण २२ हजारांचा ऐवज चोरून नेल्याची घटना शनिवारी दि. १८ मे रोजी सकाळी ७ वाजेच्या सुमारास उघडकीला आली आहे. याप्रकरणी सायंकाळी ५ वाजता जळगाव तालुका पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
अनस खान असलम खान (वय २० रा. कोहीनुर पार्क, जळगाव) हा तरूण वास्तव्याला आहे. शुक्रवारी १७ मे रोजी रात्री ११.३० वाजता घरातील सर्वजण झोपले होते. त्यावेळी मध्यरात्री अज्ञात चोरट्यांनी तरूणाचे घर बंद असतांना खिडकीतून हात घालून दरवाजाची कडी उघडून आत प्रवेश करत घरातून सोन्याचे मंगळसुत्र आणि कानातील सोन्याच्या रिंगा असा एकुण २२ हजारांचा ऐवज चोरून नेला. हा प्रकार दुसऱ्या दिवशी शनिवारी दि. १८ मे रोजी सकाळी ७ वाजता उघडकीला आला. दरम्यान, अनस खान याने जळगाव तालुका पोलीस ठाण्यात धाव घेवून तक्रार दिली. जळगाव तालुका पोलीस ठाण्यात गुन्हा दाखल करण्यात आला. पुढील तपास पोहेकॉ संजय भालेराव हे करीत आहे.
