यावल, अडावदला कार्यकर्त्यांच्या घेतल्या भेटी
जळगाव (प्रतिनिधी) : रावेर लोकसभा मतदारसंघाचे राष्ट्रवादी काँग्रेस शरद पवार गटाचे उमेदवार श्रीराम पाटील यांनी रविवारी दि. १४ एप्रिल रोजी भुसावळ येथे डॉ. बाबासाहेब आंबेडकर यांच्या जयंतीनिमित्त त्यांच्या पुतळ्याला माल्यार्पण करून अभिवादन केले. यानंतर यावल व अडावद येथे भेटी देऊन कार्यकर्त्यांशी संवाद साधला.
श्रीराम पाटील यांनी भुसावळ येथे डॉ.बाबासाहेब आंबेडकर यांच्या जयंतीनिमित्त आयोजित कार्यक्रमास भेट देऊन जनतेशी संवाद साधला. लोकसभा निवडणुकीस शहरातून सर्वाधिक मताधिक्य मिळवून देण्याचे त्यांनी आवाहन केले. सोबत महाविकास आघाडीचे पदाधिकारी आणि कार्यकर्ते उपस्थित होते. श्रीराम पाटील व आ. शिरीष चौधरी यांचे भुसावळात सेंट्रल रेल्वे मजदूर युनीयनच्या कार्यालयात सत्कार करण्यात आला. यावेळी कॉग्रेंस, शिवसेना ठाकरे गटाकडून श्रीराम पाटील यांचा सत्कार करण्यात आला. यावेळी युनियनचे अध्यक्ष वि. के.समाधीया, मो मुनव्वर खान, सेवादल शहर अध्यक्ष संजय खडसे, महेबुब खान, ईस्माइल गवळी, संतोष सोनवणे, राजु ईगडे यांच्यासह कार्यकर्ते, पदाधिकारी उपस्थित होते.
यानंतर यावल शहरातील शिवसेना उद्धव बाळासाहेब ठाकरे गटाच्या पक्ष कार्यालयास भेट देऊन पदाधिकाऱ्यांशी चर्चा करून संवाद साधला. महाविकास आघाडीच्या विजयाचा निर्धार यावेळी करण्यात आला. बैठकीत जगदीश बेहडे, शहराध्यक्ष सागर देवांग,आदिवासी सेलचे तालुका अध्यक्ष हुसेन तडवी, रियाज पटेल आणि असंख्य पदाधिकारी उपस्थित होते. अडावद येथे महाराष्ट्र स्टील हार्डवेअर कारगिल चौक बैठकीत भुसावळचे नगरसेवक दीपक धांडे, रहीम गवळी, निलेश महाजन, चेतन नाईक, सुरज पाटील, आणि गोपाळ चौधरी यांनी अडावद येथे स्वागत केले. महाविकास आघाडीची उमेदवारी मिळाल्याबद्दल अभिनंदन केले.
