जळगाव तालुक्यातील जळके येथील घटना
जळगाव (प्रतिनिधी) : तालुक्यातील जळके गावाजवळ दुचाकी घसरून डोक्याला गंभीर दुखापत झाल्याने जामनेर तालुक्यातील पहूर कसबे येथील तरूणाचा जागीच मृत्यू झाल्याची घटना शुक्रवारी ८ मार्च रोजी सकाळी घडली. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली.
सुरेश काशिनाथ चव्हाण (वय २३ रा. पहूर कसबे ता. जामनेर) असे मयत तरूणाचे नाव आहे. सुरेश हे चोपडा येथे नातेवाईकांकडे गेले होते. गुरुवारी ७ मार्च रोजी रात्री उशीरा ते तेथून पहूर येथे दुचाकीने घरी जात असताना जळके गावाजवळ त्यांची दुचाकी घसरली. यात ते खाली पडून त्यांच्या डोक्याला मार लागला. त्यात ते जागीच ठार झाले. ही घटना मात्र शुक्रवारी ८ मार्च रोजी सकाळी ८ वाजता उघड झाली. ग्रामस्थांनी एमआयडीसी पोलिसांना घटनेची माहिती दिली. त्यानंतर मृतदेह शासकीय वैद्यकीय महाविद्यालय व रुग्णालयात नेण्यात आला. चव्हाण यांच्या खिशातील आधार कार्डवरून त्यांची ओळख पटली. याप्रकरणी एमआयडीसी पोलीसात अकस्मात मृत्यूची नोंद करण्यात आली आहे.
०००००००००००००००००००
