जळगावातील पिंप्राळा येथील घटना
जळगाव (प्रतिनिधी) : – शहरातील पिंप्राळा परिसरात राहणाऱ्या केळी विक्री करणाऱ्या महिलेची दीड लाख रुपयांची फसवणूक केली. पैसे मागितल्यावर जीवे ठार मारेल अशी धमकी दिल्याचा प्रकार १५ डिसेंबर रोजी सकाळी १० वाजता उघडकीला आला आहे. या संदर्भात रामानंदनगर पोलीस ठाण्यात रात्री १० वाजता एकावर गुन्हा दाखल करण्यात आला.
कोकिळा भगवान सोनवणे (वय-५०, रा. दादावाडी पिंप्राळा) यांचे पिंप्राळा परिसरातीलच सोनी नगर येथे ज्योतिबा फ्रुट कंपनी आहे. या माध्यमातून त्या केळीसह इतर फळ विक्री करण्याचे काम करून ते आपला उदरनिर्वाह करत असतात. १० जून रोजी श्रीकृष्ण तुकाराम मेगडे (रा. सोनी नगर, जळगाव) याने कोकिळाबाई सोनवणे यांच्याकडून व्यवसाय करण्याकरता दीड लाख रुपये रोख घेतले होते. त्यानंतर २ महिन्यांनी महिलेने श्रीकृष्ण मेगडे याला पैशांची मागणी केली. त्यानंतर त्याने मी पैसे देत नाही असे सांगून तुला करंट लावून मारून टाकेल अशी धमकी दिली. दरम्यान महिलेने शुक्रवार १५ डिसेंबर रोजी रामानंदनगर पोलीस ठाण्यात धाव घेऊन तक्रार दिली आहे. त्यांनी दिलेल्या तक्रारीवरून संशयित आरोपी श्रीकृष्ण तुकाराम मेघडे यांच्या विरोधात रामानंदनगर पोलीस ठाण्यात गुन्हा दाखल करण्यात आला आहे. पुढील तपास सहाय्यक फौजदार संजय चौधरी करीत आहे.
