जळगाव शहरातील घटना
जळगाव (प्रतिनिधी) :- शहरातील शिवाजीनगर परिसरातील उस्मानिया पार्क भागात शनिवारी ३१ वर्षीय रिक्षाचालकाने गळफास घेत आत्महत्या केल्याची घटना घडली. या प्रकरणी शहर पोलीस ठाण्यात अकस्मात मृत्यूची नोंद करण्यात आली आहे
बिलाल शेख वलीयोद्दीन (वय-३१) असे मयत तरुणाचे नाव आहे. उस्मानिया पार्क भागातील नागोरी डेअरीच्या गल्लीत बिलाल शेख वलियोद्दीन (वय-३१) हा त्याची चार वर्षाची मुलगी आणि पत्नीसह वास्तव्यास होता. बेरोजगारीमुळे तरुण प्रचंड तणावात राहत असल्याचे त्याच्या परिचीतांनी माहिती देतांना सांगीतले. आज शनिवार ता.३१ रोजी रात्री आठ वाजेच्या सुमारास त्याने राहत्या घरात आत्महत्या केल्याचे पत्नीला आढळून आले.
पतीला गळफास घेतल्याचे पाहताच पत्नीने हंबरडा फोडला. शेजाऱ्यांनी मदतीला धाव घेत मृतदेह खाली उतरवुन शहर पोलिसात घटनेची माहिती कळवली. मृतदेह जिल्हा रुग्णालयात आणण्यात आला. तेथे वैद्यकीय अधिकाऱ्यांनी त्याला मयत घोषित केले. या प्रकरणी शहर पोलीस ठाण्यात अकस्मात मृत्यूची नोंद करण्यात आली आहे.
