जळगाव ( प्रतिनिधी ) – तालुक्यातील शेळगाव येथे जुन्या भांडणाच्या कारणावरून एका तरुणाला लाकडी काठीने मारहाण करून जखमी केल्याची घटना गुरुवार २ नोव्हेंबर रोजी रात्री ९ वाजता घडली आहे. याप्रकरणी शुक्रवार ३ नोव्हेंबर रोजी सायंकाळी ५ वाजता नशिराबाद पोलीस ठाण्यात चौघांविरोधात गुन्हा दाखल करण्यात आला.
जळगाव तालुक्यातील शेळगाव येथे मिथुन सुरेश कोळी (वय-३६) हा तरुण आपल्या परिवारासह राहायला आहे. गुरुवारी २ नोव्हेंबर रोजी रात्री ९ वाजेच्या सुमारास जुन्या भांडणाच्या कारणावरून दीपक संजय कोळी, निलेश बाळू कोळी, खुशाल बाळू कोळी आणि संजय रघुनाथ कोळी सर्व रा. शेळगाव, ता. जि. जळगाव या चार जणांनी मिथुन कोळी याला शिवीगाळ करून मारहाण केली. तसेच एकाने हातातील काठी मिथुनच्या डोक्यात टाकून गंभीर दुखापत करत जिवे ठार मारण्याची धमकी दिली. दरम्यान जखमी झालेल्या मिथुन कोळी याला नजीकच्या नशिराबाद ग्रामीण रुग्णालयात दाखल करण्यात आले. दरम्यान उपचारानंतर शुक्रवारी ३ नोव्हेंबर रोजी सायंकाळी ५ वाजता मिथुन कोळी आणि दिलेल्या फिर्यादीवरून दीपक संजय कोळी, निलेश बाळू कोळी, खुशाल बाळू कोळी आणि संजय रघुनाथ कोळी यांच्या विरोधात नशिराबाद पोलीस ठाण्यात गुन्हा दाखल करण्यात आला आहे. या घटनेचा पुढील तपास पोलीस उपनिरीक्षक संजय जाधव करीत आहे.
