पियुष हॉस्पिटल, काबरा हॉस्पिटलचा उपक्रम
जळगाव (प्रतिनिधी) – येथील जिल्हापेठ पोलीस स्टेशन, जळगांव येथे गणेशासव २०२३ निमीत्ताने व पोलीसांच्या दैनंदिन ड्युटीतील ताणतणाव, अनियमीत आहार, जागरण यामुळे पोलीसांच्या आरोग्यावर होणारा दुष्परीणाम लक्षात घेता दि.२४ रोजी शहरातील पोलीस बांधवांसाठी पियुष हॉस्पीटल यांचे सौजन्याने आरोग्य तपासणी शिबीर (टोटल बॉडी चेक अप) आयोजीत करण्यात आले होते. जळगांव जिल्ह्यातील पोलीसांकरीता प्रथमतः अशा प्रकारचे आरोग्य शिबीर आयोजीत करण्यात आले होते.
एम राजकुमार, पोलीस अधिक्षक व श्री चंद्रकांत गवळी, अपर पोलीस अधिक्षक यांचे मार्गदर्शनाखाली सदर शिबीराचे आयोजन करण्यात आले होते. डीवायएसपी संदिप गावीत यांनी सदर शिबीराचे उद्घाटन केले. पोलीस निरीक्षक डॉ. विशाल जयस्वाल, पियुष हॉस्पिटलचे डॉ. रोहन पाटील, काबरा हॉस्पीटलचे डॉ. प्रफुल्ल काबरा,अवनिश पॅथोलॉजीचे डॉ. अतुल सोनार यांनी सदर शिबीराचे आयोजन केले होते. या शिबीरात जनरल बॉडी चेकअप, बी पी शुगर, इसीजी, लिपीड प्रोफाईल, लिव्हर फंक्शन, क्रियाटीन इत्यादी तपासण्या अगदी मोफत करण्यात आल्या होत्या.
सदर शिबीराचा जिल्हापेठ पोलीस स्टेशनचे अधिकारी व अंमलदार तसचे पोलीस अधिक्षक कार्यालयातील अधिकारी व अंमलदार तसेच होमगार्ड यांनी लाभ घेतला. सदर शिबीराचे आयोजन केल्या द्दल पोनि. डॉ. विशाल जयस्वाल यांनी डॉ. रोहन पाटील, डॉ. प्रफुल्ल काबरा, डॉ. अतुल सोनार यांचे आभार मानले.
