चाळीसगाव ( प्रतिनिधी ) – शहरातील सेंट्रल बँक ऑफ इंडिया शाखेत पैशांचा भरणा करण्याकरता आलेल्या ग्राहकाच्या हातातील दोन लाख रुपयांची रोकड असलेली पिशवी दुचाकीवरून आलेल्या चार भामट्यांनी जबरदस्तीने हिसकावून पळ काढण्याची घटना चार जुलै रोजी दुपारी दीड वाजेच्या सुमारास घडली.
याबाबत सूत्रांनी दिलेली माहिती अशी की, तालुक्यातील देवळी येथील पैठणी व्यावसायिक असलेले माधव पद्माकर रणदिवे (वय – ४० ) हे चार जुलै रोजी दुपारी दीड वाजेच्या सुमारास रेल्वे स्टेशन रोडवरील सेंट्रल बँक ऑफ इंडिया शाखेत पैशांचा भरणा करण्याकरिता आले असता या ठिकाणी दोन मोटरसायकल वरील चार इसमाने त्यांच्या हातातील दोन लाख रुपयांची रोकड असलेली पिशवी हिसकावून पोबारा केला.
या प्रकरणी चाळीसगाव शहर पोलीस स्टेशनला अज्ञात चोट्यांविरुद्ध गुन्हा दाखल करण्यात आला आहे. तपास सपोनि विशाल टकले करीत आहे.
