यावल तालुक्यातील नावरे येथील घटना
यावल (प्रतिनिधी) : तालुक्यातील नावरे येथील तरूणीने छताला असलेल्या लोखंडी कडीला साडीच्या सहाय्याने गळफास घेत आत्महत्या करीत आपली जीवनयात्रा संपविली आहे. याप्रकरणी यावल पोलीस स्टेशनला अकस्मात मृत्यूची नोंद करण्यात आली आहे.
प्रणाली रामकृष्ण मेढे (वय १८ वर्ष, रा. नावरे, ता. यावल) असे मयत तरुणीचे नाव आहे. दि. २८ जुलै रोजी दुपारी २ ते ३ वाजेच्या सुमारास राहत्या घरातील समोरच्या खोलीत छताला असलेल्या लोखंडी कडीला साडीच्या सहाय्याने गळफास घेत तिने आत्महत्या केली. या घटनेमुळे तिच्या कुटुंबाला मोठा धक्का बसला असून तिचा मृतदेह पाहून कुटुंबियांनी हंबरडा फोडला. मयत तरुणीच्या मृतदेहाचे शवविच्छेदन यावल ग्रामीण रुग्णालयाचे वैद्यकीय अधिकारी डॉ प्रशांत जावळे यांनी केले.
तरूणीने आत्महत्यासारखे पाऊल का उचलले हे मात्र स्पष्ट होउ शकले नाही. घटनेचा तपास पोलीस निरिक्षक राकेश मानगावकर यांच्या मार्गदर्शनाखाली सहाय्यक फौजदार विजय पाचपोळे हे करीत आहेत.
