पाचोरा (प्रतिनिधी) – येथील कृषी उत्पन्न बाजार समितीच्या निवडणुकीसाठी शिवसेना ठाकरे गटातर्फे नामनिर्देशन अर्ज दाखल झाले. सोमवारी शिवसैनिकांनी शक्तिप्रदर्शन करून घोषणा दिल्या. यावेळी शिवसेना नेत्या वैशाली सूर्यवंशी यांच्या नेतृत्वाखाली कार्यकर्त्यांची मोठी उपस्थिती होती.
जिल्ह्यात सध्या कृषी उत्पन्न बाजार समितीच्या निवडणुकीचे वारे सुरु आहेत. सर्व तालुक्यात अर्ज भरण्यासाठी गर्दी होत आहे. पाचोऱ्यात देखील सर्व पक्षांतर्फे अर्ज भरले जात आहेत. शिवसेना ठाकरे गटातर्फे देखील पाचोऱ्यात अनेक कार्यकर्त्यांनी अर्ज भरले. यावेळी, कार्यकर्त्यांनी पूर्ण ताकदीनं निवडणुकीसाठी कामाला लागा, असे प्रतिपादन वैशाली सूर्यवंशी यांनी केले.
पाचोरा भडगाव कृषी उत्पन्न बाजार समितीच्या १८ जागांकरिता एकुण २३५ उमेदवारी अर्ज प्राप्त झालेले आहेत. आणि एकुण ३४० उमेदवारी अर्जांची झाली विक्री झाल्याची माहिती मिळत आहे.
याप्रसंगी डॉ. उत्तमराव महाजन, डॉ. मनोज महाजन, गणेश परदेशी, प्रशांत पवार, उद्धव मराठे, अरुण पाटील, रमेश बाफना, शरद पाटील, दिपक आधार पाटील, अनिल पाटील, राजू पाटिल, संदीप जैन, भुपेश सोमवंशी, वाल्मिक पाटिल, जे.के.पाटील, भीमराव पाटील, दिलीप पोपट पाटील, पपु जाधव, पपु राजपूत, अनिल सावंत, दिपक पाटील, राजेंद्र राणा, दत्ता जडे, बंडु सोनवणे, दादाभाऊ चौधरी यांच्यासह भडगाव – पाचोरा मतदार संघातील शिवसैनिक, कार्यकर्ते उपस्थित होते.
