राज्य उत्पादन शुल्कच्या विभागाने केली कारवाई
जळगाव (प्रतिनिधी) येथील अशोक किराणा परिसरात असणाऱ्या राज वाईन शॉप येथे आज मुदतबाह्य १२४ बिअर बॉटल्स आणि बिअरच्या २१० टिन डबे आढळून आले असून हि कारवाई राज्य उत्पादन शुल्कच्या पथकाने केल्याने खळबळ उडाली आहे.
एका तरुणाने या राज वाईनमधून बिअरची बाटली विकत घेतल्यानंतर बिअरची बाटली मुदतबाह्य झालेली होती. त्याने तक्रार केल्यानंतर विभागाच्या पथकातील सी.एच. पाटील, आनंदा पाटील, कर्मचारी दिनेश पाटील, धनसिंग पावरा, सत्यम माळी आणि मनोज मोहिती यांच्या पथकाने दुकानाची झाडाझडती घेतली. त्यात त्यांना अमस्टल बिअरच्या १२४ बाटल्या आणि ५०० एम.एल.चे २१० टीन मुदतबाह्य असल्याचे आढळून आले. भरारी पथकाने पंचनामा करत या बाटल्या जप्त केल्या आहेत. तसेच पुढील कारवाईसाठी जिल्हाधिकारींकडे आरोपपत्र पाठवणार असल्याची माहिती सी.एच. पाटील यांनी दिली.
