जळगाव (प्रतिनिधी ) – तू ठाकरे है तो मैं भी राणा हूं. मी मुंबईची मुलगी आणि विदर्भाची सून आहे. तुम्ही शिवसेनेचे असाल तर मी पण विदर्भाची सून आहे, आमना सामना तर लवकरच होईलच. त्यात कळेल की कोण किती ताकदवान आहे, अशा शब्दात खासदार नवनीत राणांनी माजी मुख्यमंत्री उद्धव ठाकरेंना इशारा दिला आहे.जळगावात नवनीत राणा आणि आमदार रवी राणा यांच्याहस्ते महार प्रताप मंडळ येथे हौमान चालीसा पठणाचा कार्यक्रम घेण्यात आला त्यावेळी राणा या बोलत होत्या.
उद्धव ठाकरेंनी सत्तेचा दुरुपयोग केला. तरुंगामधून निघाल्यावर त्यांना वाटलं मी तुटून जाईल. तिला काही बोलता येणार नाही. ती आमच्याविषयी काही बोलणार नाही. पण ज्या दिवशी तरुंगामधून बाहेर पडले. तेव्हा माझ्यात जास्त ताकद आली होती. चौदा दिवस, बारा-बारा तास मी तुरुंगात मी हनुमान चालिसेचं पठण केले. . प्रत्येक क्षण, प्रत्येक मिनिट मी हनुमान चालिसेमध्ये मी पाठ करत होते. जर माझ्या भक्तीत थोडीही ताकद असेल, तर हनुमंत राय उद्धव ठाकरेंना त्यांची जागा दाखवेल. आता त्यांच्या घरात उभं राहायला सुद्धा कार्यकर्ता उरला नाही”, अशा शब्दात त्यांनी उद्धव ठाकरेंवर टीका केली .
