नाशिक (वृत्तसंस्था ) पत्नीच्या चारित्र्यावर संशय घेऊन पत्नीचा मोबाईल चार्जरच्या वायरने गळा आवळून खून केल्याची घटना आज स्वातंत्र्यदिन नाशिक मधल्या वडाळा परिसरात उघडकीस आली असून या घटनेमुळे परिसरात खळबळ उडाली आहे. पोलिसांनी पतीला अटक केली आहे.
सूत्रांनी दिलेली माहिती अशी कि, वडाळा परिसरात राहणारा रिजवान पठाण हा त्याची पत्नी व मुलांसह राहत होता. तो वारंवार त्याची पत्नी निनाज रिजवान पठाण हिच्या चरित्रावर संशय घेऊन तिच्याशी वारंवार भांडण करत होता. या कारणामुळे अनेकवेळा वाद होऊनही निनाज या कुटुंब सांभाळत होत्या. मात्र काल मध्यरात्री दोन ते पाच वाजेच्या दरम्यान रिजवान याने घरातील मोबाईलच्या चार्जरच्या सहाय्याने त्याची पत्नी निनाजचा गळा आवळून खून केला. याप्रकरणी गुन्हा दाखल करण्यात आला असून रिजवान याला पोलिसांनी अटक केली आहे. या प्रकरणी पुढील तपास इंदिरानगर पोलीस ठाण्याचे वरिष्ठ निरीक्षक संजय बांबळे यांच्या मार्गदर्शनाखाली पोलीस करत आहेत.
