फैजपूर ( प्रतिनिधी ) – भुसावळ रोडवरील ऑटो पार्टचे दुकान फोडून ६७ हजार रूपये किमतीचा माल चोरांनी चोरला फैजपूर पोलीस ठाण्यात अज्ञात चोरट्यांविरोधात गुन्हा दाखल करण्यात आला
शेख इरफान शेख आरिफ (वय-३५) हे मित्तल नगर, फैजपूर येथे कुटुंबीयांसह वास्तव्याला आहे. ऑटो पार्ट्स विक्रेत्याचे काम करतात, त्यांचे फैजपूर ते भुसावळ रोडवर नॅशनल ऑटो पार्ट्स दुकान आहे ९ जुलै रोजी रात्री त्यांनी नेहमीप्रमाणे दुकान बंद केले. नन्तर पाऊस सुरू असल्याने त्यांनी दुकान उघडले नाही. दरम्यान अज्ञात चोरट्यांनी त्यांचे बंद दुकान फोडून मोटारसायकल सीट कव्हर, हॅलोजन लाईट, ब्रेक, स्क्रॅप सामान अशा वस्तूं असा ६७ हजार ४८४ रूपये किमतीचा माल चोरून नेला. १२ जुलै रोजी नेहमीप्रमाणे ते सकाळी आले त्यांना दुकानात चोरी झाल्याचे लक्षात आले. त्यांनी फैजपूर पोलिसांना माहिती दिली. १३ जुलै रोजी सायंकाळी शेख इरफान शेख आरिफ यांच्या फिर्यादीवरून फैजपूर पोलीस ठाण्यात अज्ञात चोरट्याविरोधात गुन्हा दाखल करण्यात आला पुढील तपास पो हे कॉ अनिल पाटील करीत आहेत.
