जळगाव ( प्रतिनिधी ) – रामानंदनगर पोलिस ठाण्यात निरीक्षकांच्याच दालनात उपनिरीक्षक गोपाल देशमुख यांना बाटली मारून फेकणारे पोलीस कर्मचारी अनमोल सत्तार यांच्यावर निलंबनाची कारवाई करण्यात आली आहे. उप पोलीस अधीक्षक कुमार चिंथा यांनी केलेल्या चौकशीत ते प्रथमदर्शनी दोषी आढळून आल्यानंतर पोलीस अधीक्षक डॉ.प्रवीण कुमार मुंडे यांनी ही कारवाई केली आहे. सत्तार यांची पोलीस मुख्यालयात बदली करण्यात आली आहे.
पोलिस ठाण्यात आलेल्या एका तक्रार अर्जाच्या चौकशीवरुन या दोघांमध्ये वाद झाले होते. संबधित तक्रारदार नुर मोहंमद गफुर याला पोलिस ठाण्यात चौकशीसाठी बोलावल्यानंतर वाद पेटला. यात संतापलेल्या पटेल यांनी थेट बाटली देशमुख यांना मारुन फेकली होती. या प्रकरणी दोन दिवसांपूर्वीच पटेल यांच्याविरुद्ध गुन्हा दाखल करण्यात आला. दरम्यान, पोलिस ठाण्यात बेशिस्त वर्तन केल्यामुळे पोलिस अधीक्षक डॉ. मुंढे यांनी या प्रकरणाची चौकशी करण्याचे आदेश उप पोलीस अधीक्षक कुमार चिंथा यांना दिले होते. चिंथा यांनी चौकशी करुन मंगळवारी सायंकाळी पोलिस अधीक्षकांना अहवाल दिला. यात प्रथमदर्शनी दोषी आढळुन येत असलेल्या पटेल यांना निलंबित करण्यात आले आहे.
