फैजपूर ( प्रतिनिधी ) – फैजपूर येथील मंडळाधिकारी यांनी एका राजकीय पदाधिकाऱ्याला फोनद्वारे धमकी देवून ५० हजाराची खंडणी मागितल्याचा गुन्हा दाखल करण्यात आला आहे.
यावल तालुक्यातील फैजपूर येथे मंडळाधिकारी हनीफ तडवी आहेत . निलेश राणे हे राजकीय व्यक्ती आहेत . ४ मे रोजी रात्री मंडळाधिकारी हनीफ तडवी यांनी निलेश राणे यांच्या मोबाईलवर फोन केला व सांगितले की, तुमच्या डंपरने माझ्या गाडीला उडविले आहे. तुम्ही मला जीवे ठार मारण्याचा प्रयत्‍न केला आहे. तुम्ही मला ५० हजार रूपये द्या नाहीतर मी तुमच्या विरूध्द खोटी कसे दाखल करतो असे सांगून तुला सोडणार नाही असा दम दिला.
निलेश राणे यांनी फैजपूर पोलीस ठाण्यात मंडळाधिकारी तडवी यांच्या विरोधात तक्रार दिली. त्यांच्या तक्रारीवरून ५ मे रोजी रात्री फैजपूर पोलीस ठाण्यात मंडळाधिकारी हनीफ तडवी यांच्यावर खंडणीचा गुन्हा दाखल करण्यात आला पुढील तपास स पो नि सिध्देश्वर आखेगावकर हे करीत आहेत.
